Pwojè Byevini nan se yon òganizasyon ki baze sou kominote ki te kòmanse nan Devlopman Lojman Piblik Mystic nan Somerville, Massachusetts nan ane 1987, aprè yo te egzije entegrasyon rasyal nan devlopman pa leta.

​

Kòm nouvo rezidan yo te rive sòti Ayiti, Amerik Santral, Vyetnam ak nan lòt pati nan mond lan, anpil ladan yo te viktim diskriminasyon ak pèsekisyon kote yo te pi san defans: lakay yo. Fondatè Pwojè Byevini yo, yon gwoup lokatè ki devwe ak manm kominote a, te reyini ansanm pou ede sipòte ak bay nouvo rezidan sa yo mwayen pou yo viv.

​

Nan trant ane ki sot pase yo, Pwojè Byevini nan te evolye nan travay avèk kominote imigran an nan tout vil la, pandan y’ap kontinye relye yo pi pre avèk rezidan Lojman Mystic yo. Objektif jeneral nou depi lè nou te kòmanse te pou ranfòse lavi kominote Somerville la nan ankouraje yon aksè ki san pati pri nan resous sosyal ak ekonomik vil la. Nan ane 1987, objektif sa’a te espesyalman lye nan sipòte entegrasyon san danje nan devlopman an.

​

Jodi a, Pwojè Byevini nan bay pwogram pou imigran yo ak fanmi ki p’ap touche anpil kòb yo nan Mystic ak nan tout Somerville k’ap amelyore lidèchip ak devlopman pèsonèl, bay aksè a travay ak edikasyon, ede rezidan yo aprann lang Anglè ak ti diferans ki genyen yo nan yon nouvo kilti epi angaje yo pi plis toujou nan lavi sivik nan vil la.